ГУЙЯН (Қытай), 2026 жылғы 24–25 тамыз — Гуйянда 51 елдің спортшыларын жинаған қазіргі заманғы бессайыстан UIPM әлем чемпионатының алғашқы жарыс күндері басталды. Қазақстан құрамасы ерлер, әйелдер және аралас эстафеталарда старт алды.
Алғашқы жарыс күні командалық эстафеталарға арналды.
Ерлер эстафетасы
Темірлан Әбдірайымов пен Лев Чувашов 1442 ұпай жинап, 18 команданың ішінде 7-орынды иеленді.
Семсерлесуде қазақстандықтар 18 жеңіске жетіп, 214 ұпай жинады. Кедергілер жолағында — 344 ұпай, жүзуде — 339. Ең үздік нәтижені лазер-ранда көрсетті — 545 ұпай және 12:35.41 уақытымен кезеңдегі 4-орын.
Әйелдер эстафетасы
Аяна Қазбекова мен Юлиана Петрова 1193 ұпай жинап, 14 команданың ішінде 9-орынмен мәреге жетті.
Дуэт семсерлесуде 214 ұпай, кедергілер жолағында — 277, жүзуде — 303 және лазер-ранда — 399 ұпай жинады.
Екінші жарыс күні аралас эстафеталарға арналды.
Аралас эстафета
25 тамызда Қазақстан намысын Кирилл Стадник пен Ярославна Понер қорғады. Жұп 988 ұпай жинап, 18-дің ішінде 9-орынды иеленді.
Жаңбырға байланысты кедергілер жолағы бағдарламадан алынып тасталды. Барлық қатысушылар бұл кезеңді өткізіп жіберді, ол үшін ұпайлар есептелмеді.
Қазақстандықтар семсерлесуде 224 ұпай, жүзуде — 324 және лазер-ранда — 440 ұпай жинады.
Алда не күтіп тұр?
26 тамызда жеке жарыстар басталады. Ерлер квалификациясында Қазақстан намысын Темірлан Әбдірайымов, Данил Богданов, Тихон Варёхин, Кирилл Стадник және Лев Чувашов қорғайды.
Құрамамызға жеке старттарда сәттілік тілейміз!
Федерацияның бас серіктесі — Samruk Kazyna, серіктесі — SportQory туризм және спорт индустриясын қолдау қоры.